恭喜恭喜～家家今日終於出閣ｌｕ！見到佢揾到個肯事事就佢ｏ既老公，我都戥佢高興，希望佢兩個白頭到老，恩恩愛愛啦～
今日去沙田婚姻註冊處時，唔知點解見到入面ｏ既男性都唔係帶住歡愉ｏ既笑容，相反，佢哋ｏ既表情都有ｄ厭煩咁。佢哋係唔想結婚丫，定係唔想同身邊嗰位結婚呢？見到呢個情景，我就同自己講，將來一定要揾個真心愛我，想同我結婚ｏ既人先得。結婚係兩個人ｏ既結合，如果你真心真意鍾意一個人，你應該會感到興奮、愉快先啱架ｂｏｒ。我覺得愛情唔應該勉強，亦無所謂ｏ既責任，愛你ｏ既話自然唔會忍心傷害你，但唔愛你ｏ既話就算佢永遠喺你身邊，你都只會感到無限痛心。所以呢，當愛情已經褪色ｏ既時候，應該瀟灑ｄ放手。知易行難，學下啦老友～
今日為自己定咗個目標，好想好想喺２５歲前拍拖、創業，２８歲前結婚～之前ｏ既目標都已經一一達成，唔知呢幾個目標又能唔能夠順利達到呢？
