討厭的人

開始想轉工，唔係因為唔鍾意而家份工，只係因為唔鍾意而家工作上所面對o既人。有d人真係可以好唔realistic，俾一大堆嘢你叫你即日搞掂，大佬，我得一對手咋，唔係千手觀音，更加無三個腦，你自己做阿大o既都做唔到啦，你又點要求你班細o既有咁超水準o既表現呢？何況你份人工又唔係高，福利又唔好，當班員工係牛，只係識得喺剝削員工福利時先叫人同你共渡時艱，鬼睬你咩！唔係另有計劃，我都真係唔會留低，要我留喺度做長工，真係會氣剎我～no way！有時份工真正令人感到疲累o既，唔係job nature boring，而係同你一齊做o野班人令你見到佢哋感到眼冤。未踏入公司時心入面祈求o既係班人走晒，唔使對住佢哋。已經多嘢做架啦，仲要對住d唔想見到o既人，你話幾痛苦先得架。

喂喂，想問d嘢，你係咪刻意避開我，唔同我接觸架？我得罪咗你咩？